مدونة جديدة قديمة تكشف الحساب اسمها كشف حساب

http://feeds.feedburner.com/kashfhesab1 ياريت كل اللى ورد فى المدونة دى يكون محل تحقيق

الهدف القومى مواطن مصرى

كان نفسى من زمان الاقى بلادى اجمل واقوى بلد مش لأنى بحبها وبعشق كل حتة فيها بس .لكن لأنها اعظم واجمل واحن بلد فى الدنيا بس كان فاضل لنا اننا نعملها هدف قومى ايوة هدف قومى ايه المشكلة لما نعمل هدفنا القومى اننا نعمل مصر بجد زى مانتمنى مصر رائدة فى كل شىء علما وتقدما ورقيا ففى الوقت الذى سعى النظام السابق فى بناء هدف شخصى اسمه مليونير احنا نسعى ان يكون هدفنا اننا نبقى مواطن مصرى .عمرك شفت مواطن امريكى  هاتلاقيه فرحان اوى بالباسبور بتاعه فى اى مكان يمشى فيه ويقول انا مواطن امريكى نفسى  بقى انا افرح جوه بلدى الاول اننى مواطن مصرى له كرامة وعزة وكبرياء واحترام كمواطن مصرى مش لأنى وزير ولامليونير ولا أى اعتبار اخر سوى انى مواطن مصرى حلم مش بعيد ولا مستحيل بس علشان يتحقق لازم كل واحد يضرب التانى قلم هههههههه اقصد لازم نفوق من الغفلة دى بلدنا محتاجانا اوى زى طفلة لسه مولودة تقدر تقولها اعملى اى حاجة مش هاينفع لاهاتفهمك ولا انت هاتصبر على ما تفهمك ياريت كلنا نفوق ونحاول نستوعب فترة ولادة مصر دى ونمسك ايدنا فى ايد بعض ونبنى مصر لانها تستحق ان تولد من جديد يارب احمى مصر ونجيها يارب

حدوتة مصرية

ابتدينا الحكاية من ميدان التحرير ولانقول حطينا كلمة النهاية من هناك لقصر الرياسة صحيح كان مشوار طويل ومتعب 18يوم برد وتعب ورعب للى جوه بيته مابالك اللى بيتغطى بالسماء ويتلف بالهوا البارد فى ليل الشتا كلنا كان قلبنا بينبض ليل نهار يدعى لله عزوجل ان النهار اللى جاى يارب نهاية بقى وكل يوم كان العناد بيزيد والشك كمان بيزيد كان الشك اننا يمكن فى يوم نقوم نلاقى الشعب امام الجيش وساعتها على مصر السلام  لكن رحمة ربنا اكبر من كل شىء وكلما زاد الظلم والطغيان ظهرت رحمة الله من اوسع الابواب وكان موعدنا كل جمعة بعد الصلاة نصرخ ونقول يارب انت اللى عالم من فينا على حق ومين فينا على باطل يارب وقد كان الله سبحانه وتعالى قال فى محكم كتابه العزيز بسم الله الرحمن الرحيم (ان الله لايغير مابقوم حتى يغيروا ما بأنفسهم) صدق الله العظيم . وعلى اد ماكنت مرعوبة على البلد واللى كان بيحصل كان اكبر من اى تصورعلى اد ما انا فرحان اوى دلوقتى  مين كان تخيل اننا نتحرر ياهههه احمدك يارب واشكر فضلك اللهم ارحم من دفعوا ثمن حريتنا حياتهم وادخلهم فسيح جناتك يارب احمى مصر ونجيها وقوينا على اللى جاى يارب انصرنا ولاتنصر علينا واعنا ولاتعن علينا وكن معنا ولاتكن علينا  وولى علينا خيارنا ولاتولى علينا شرارنا اللهم امين امين